Anna Marta ehf er matvöru- og lífstílsfyrirtæki stofnað af Önnu Mörtu Ásgeirsdóttur árið 2019. Fyrirtækið á rætur sínar að rekja til djúprar ástríðu hennar fyrir hollum mat, hreyfingu og góðum lífsvenjum.

Fagleg matvöruframleiðsla
Í dag er fyrirtækinu stýrt af tvíburasystrunum Önnu Mörtu og Lovísu.  Með miklum vexti frá nóvember 2020 í framleiðslu og hugmyndum sá Anna Marta að hún þyrfti aukin mannauð. Hennar besta val var að bjóða Lovísu, tvíburasystur sinni að ganga til liðs við vörumerkið sitt. Lovísa kom inn í fullt starf í ágúst 2022. Fram að því aðstoðaði Lovísa systur sína með gæðamál í framleiðslu. 

Tvíburarnir hafa alltaf verið afar sam­stíga, eiga sam­eigin­leg á­huga­mál og hafa nú látið þann draum rætast að vinna saman að eigin framleiðslu. Fyrirtækið býður upp á ferst og bragðmikið pestó í nokkrum útfærslum ásamt dásamlegu döðlumauki og handgerðum súkkulaðihringjum sem slegið hafa í gegn.

Ferskar vörur úr náttúrlegum hráefnum
Hjá Önnu Mörtu eru framleiddar ferskar, hollar og náttúrulegar matvörur úr hágæða hráefni án allra aukefna. Fyrirtækið leggur áherslu á að vörurnar séu bæði ljúffengar og aðlaðandi og færi fólki vellíðan og jákvæða upplifun. Allar vörurnar eru unnar í höndunum í fageldhúsi með ströngum gæðaeftirlitsstöðlum.

Lífstíll, upplifun og þjálfun
Lífsstílsbreytingar og námskeið eru hluti af starfsemi Önnu Mörtu. Fyrirtækið býður upp á matarupplifunina Ævintýri bragðlaukanna þar sem tekið er á móti hópum og ferskt og fallegt hráefni kynnt með áherslu á að fræðast, njóta og gleðjast yfir góðum mat.    

Í boði er einnig fjarþjálfun í líkamsrækt og 4 vikna matarþjálfunarprógramm þar sem unnið er að því að breyta matarvenjum og lífstíl og rækta heilbrigt samband við mat og hreyfingu. Anna Marta styður þátttakendur í að þróa þá færni og venjur sem þarf til að viðhalda jafnvægi á þessum sviðum og næra líkama og sál.